CVO Magalies getuig soos volg:

Ons skool kan in die Noorde van Pretoria op die plato onder die Magaliesberge gevind word. Sedert Januarie 1995 ontvang leerlinge vanaf Gr. 0 tot 12 hier 'n volledige Christelike en volkseie onderwys. Hier sien ons alle vakdissiplines in die Lig van die Woord van God. Daaruit leer ons dat God die Skepper is van getal, vorm, elemente, lewe ens. Ons is dus 'n Christelike skool, maar ons is ook volkseie.

Ons glo dat Christenskap nie volksverbande ophef nie, maar dat die formering van die mensdom in volke, een van God se metodes is om die verval in die menslike samelewing te keer. Daarom word alle leerstof, soos o.a. voorgeskrewe werke en poësie, só gekies dat die kinders van ons volk nie van hulle erfenis vervreem word nie, maar juis leer om dit te waardeer en te koester.

Ons is ook toekomsgerig en modern:

Ons glo dat 'n volk wat akademies goed geskool is, 'n beskaafde en vrye volk sal wees.

Baie dankie, CVO Magalies, vir julle ondersteuning en deelname om Volkshulp 2000 tot beter diens in staat te stel

Enkele foto's van die kranige leerlinge van die CVO Magalies

• Besoek gerus die CVO Magalies se webwerf. Hul insiggewende webwerf is smaakvol ontwerp en het baie inligting oor o.a. die volgende:
  • Die geskiedenis van die skool
  • Die pragtige skoolwapen met die sinlike simboliek
  • Die Engelse weergawe van die Inligting

  Ondersteun asseblief hierdie pragtige skool!

• Wil u graag foto's oor Volkshulp 2000 se projekte met ons deel?
  Epos u kommentaar en ons verskaf vir u inligting hoe om te werk te gaan.