|
Hierdie 1999 werkstuk word
opgedra Volkshulp 2000 se stigterslede sowel as sy Hoofbestuur.
In die besonder, ds.
WYNAND (W.J.D.) VAN WYK.
Aan hulle wat -
-
die inisiatief, versiendheid en deursettingsvermoë openbaar
het om 'n instelling soos Volkshulp
2000 te grondves;
-
geen onkostes ontsien en geen opoffering te groot ag nie - in
belang van die sukses van Volkshulp
2000
en die welsyn van volksgenote; en
-
bo alles, onbeskaamd die liefde vir God-drie-enig, en as
barmhartige Samaritane, die liefde vir minderbevoorregtes op tasbare wyse openbaar.
Opregte dank word uitgespreek teenoor elke Hoofbestuurslid,
elke personeellid en ook elke Volkshulpkomitee vir al hul opofferings en harde werk die
afgelope jaar. Sonder hierdie grootse bydraes sou geen suksesse kon realiseer nie en sou
Volkshulp 2000 nie kan groei nie. Sonder die ondersteuning van die publiek is
al hierdie ideale egter tevergeefs. Mag ons dan ook altyd ons getroue donateurs se ondersteuning
waardig wees. Omdat ons 'n nie-winsgewende organisasie is, is
ons afhanklik van ons vrywillige werkers en ander ondersteuners. Hoewel
Volkshulp 2000 se finansies op 'n verantwoordelike
wyse hanteer word, maak ons nogtans voortdurend op die steun van ons volksgenote staat.
Help ons asseblief om ons minderbevoorregte volksgenote te kan help. Sodoende kan ons ons
Bybelse opdrag, om na die weduwees en die wese om te sien, uit voer.
Enkele groepe wat ons graag wil uitlig is:
Patriot
het Volkshulp 2000 getrou geborg. Fondse is voorsien aan ons om ons radioprogram
"Volkshulp 2000" op die senders van Radio Pretoria te hou.
Ons hartlike dank vir die mildelike
bydrae wat ons organisasie wyd en syd bekend maak.
Talle kerk organisasies dra by tot ons projekte.
Dankie dat u die Christelike opdrag van
Johannes 13 uitleef. Laat ons dan die Here Jesus se voorbeeld altyd voor oë hou en nie
moedeloos word om mekaar se voete te was nie.
 Nuutste
Jaarverslag
|
Opgedateer: 5 Mei 2008
LW.
Hierdie inligting is deel van Volkshulp 2000 se argief van werksaamhede gedurende die tydperk 1 Maart 1998 tot 28 Februarie 1999
