Wense vir 'n geseënde Kersseisoen
en 'n wonderlike 2008

Hierdie jaar was vir ons vol vreugde en smart,
oorwinning en neerlaag. Nogtans kan ons God ons Vader noem.
Dalk het ons langs die pad verloor, maar tog ook SOVEEL gewen.

Jy is vandag RYKER as jy dikwels geglimlag het,
iets van jouself aan ander gegee het, ander vergewe het,
as jy nuwe vriende gemaak het en struikelblokke in TRAPPE omskep het,
as jy meer in terme van "jy" as van "ek" gedink het.

Jy is vandag ryker indien jy tyd gemaak het om die handewerk van God raak te sien,
as jy geleer het om die dinge te onderskei waarop dit wesenlik aankom,
as jy geduld gehad het met die foute van ander.

Jy is skatryk indien 'n klein kindjie vir jou geglimlag het,
as jy gesoek het na die beste in ander en die beste van jouself gegee het.

Volkshulp 2000 wil namens ALMAL wat gedurende die jaar gebaat het by
ons maatskaplike dienslewering, 'n opregte BAIE DANKIE oordra
aan AL die talle donateurs en bydraers.

BAIE, baie dankie vir die groot geskenke in verskillende formate
wat ons deur die jaar van u ontvang het.