Die uitdrukking "Hoofkantoor word Streekkantoor"
verdien sekerlik kwalifikasie. So-iets gebeur wanneer akkommodasie so
beperk begin raak dat daar nie langer genoegsame ruimte vir elke
personeellid is om by ‘n lessenaar te sit, of daar nie meer plek is waar
vergader kan word nie. is meer as net aanduidings dat dit tyd begin raak
om bykomende ruimte te bekom. Hierdie verskynsel is nog ‘n sigbare
manifestasie van Volkshulp 2000 se uitbreiding en groei. Die
allerantwoord sou sekerlik wees om ‘n groter gebou te betrek. Maar, met
ons staande beleid van "geen skuld maak nie", was hierdie opsie nie
haalbaar nie. Selfs die benutting van ruimte by die Volkshulpsentrum was
nie naastenby voldoende nie en moes daar dringend na alternatiewe
moontlikhede gekyk word. Die verkryging van ‘n woonstel naby
Radio
Pretoria met genoegsame konferensie- en administratiewe fasiliteite, was
die antwoord. Selfs die Uitvoerende Direkteur het weer ‘n eie kantoor
gehad. Hierdie fasiliteit is toe herdoop na die Hoofkantoor, terwyl die
gebou te Steadlaan 246 na die Streekkantoor verander is. Geen
verandering is gemaak in soverre dit die maatskaplike diens- of
hulpverlening raak nie en ‘n meer leefbare omgewing waar werksgeluk ook
weer ‘n rol kan speel, is vir almal moontlik gemaak.
Nog ‘n besondere hoogtepunt wat vermelding verdien,
is die ongelooflike samewerking wat mede skenker-volksgenote bied. Hulle
dra op velerlei wyses by tot die groei en sukses van hulle eie eiendom
-Volkshulp 2000. Die hoeveelheid geskenkte items was dan ook die
hoofrede vir die bogenoemde noodsaaklikheid vir bykomende
akkommodasie. Hierdie is dan ook die grootste enkele rede vir die
Snuffelwinkels se besondere suksesse. Begrip vir die
beginsel waarop die Snuffelwinkels gegrondves is, is belangrik en word
ook dit verderaan toegelig.
Die getal itemskenkings is so groot in omvang dat
ons gedurende die jaar genoodsaak was om nog ‘n bakkie aan te skaf. Dit
was nodig ten einde met ‘n betroubare voertuig items af te haal en dit
ook van en na die Snuffelwinkels te vervoer. Dit was ‘n uitgawe wat
noodsaaklikerwys aangegaan moes word ten einde voortgesette verliese te
voorkom. Meneer Robert Hoffeldt van Hoffeldt Auto te Bronkhorstspruit
het ‘n prominente en tegemoetkomende rol in die verkryging van ‘n
betroubare bakkie gespeel. Hy het uit sy pad gegaan en ons ‘n meer as
billike kooptransaksie aangebied. Vir hierdie winskoop is ons hom baie
dank verskuldig. Sonder hierdie voertuig is ons verlore. Soos die geval
is met alle bates behorende aan Volkshulp 2000, is ook ons voertuie
volwaardig volksbesit.
Nog ‘n aanduiding van Volkshulp 2000 se groei is die
waarneming dat die personeeltal toegeneem het van twee of drie persone
enkele jare gelede, tot vandag se 23 persone wat vergoeding ontvang.
Hierdie is ‘n sprekende bewys van Volkshulp 2000 se bydrae tot
werkskepping en daarstelling van werksgeleenthede. ‘n Mens kan tereg die
vraag vra of daar enige ander volksorganisasies is wat hierdie prestasie
kan ewenaar.
Ofskoon nog vele ander hoogtepunte hierin vervat kan
word, word volstaan met bostaande, met inbegrip van bykomende substansie
verderaan.
|
Opgedateer: 5 Mei 2008
LW.
Hierdie inligting is deel van Volkshulp 2000 se argief van werksaamhede gedurende die tydperk 1 Maart
2004 tot 28 Februarie 2005
