| |
|
- Toename in maatskaplike behoeftigheid
Tussen die groot aantal hoogtepunte wil ons graag net drie uitsonder.
Die een uitstaande hoogtepunt die afgelope jaar moet enersyds wees, die
onafwendbare toename in maatskaplike behoeftigheid en die aanvraag na
voedsel, klere, verblyf en werk. Maar dan, gepaardgaande, die reaksie
van volksgenote op oproepe om hulp ten einde hierdie verarming en enorme
behoeftes aan te spreek. Benewens kontantbydraes, het vriende van heinde
en verre harte en hande oopgemaak. Soveel so dat, in teenstelling waar
kontantbydraes en itemskenkings in die verlede naastenby 'n gelykop
inkomste verseker het, hierdie verhouding nou radikaal verander het. Die
omsetting (te geldemaking) van itemskenkings na kontant, beloop tans
59.56% van die algehele inkomste van Volkshulp 2000. Hierdie gedeelte
het baie duidelik die lewensaar van Volkshulp 2000 geword. Ongelukkig is
dit ook so dat die Suid Afrikaanse Inkomstediens ons nie skotvry gaan
laat kom nie. Die betaling van inkomstebelasting, asook BTW op geskenkte
items is onafwendbaar. Dit maak vir sommiges in gesaghebbende gestoeltes
seker maar net nie saak dat mens nie 'n geskenkte sak klere, of 'n
houttafel kan eet nie – dat dit darem in 'n erkende kommoditeit waarmee
gekoop kan word, omgesit moet word. Daar is immers ook vele ander
maatskaplike projekte wat bedryf moet word – en allermins in die formaat
van 'n vaste item of 'n sak klere.
Die tweede hoogtepunt moet toegeken word aan die
Kersfunksie vir minderbevoorregte
kindertjies wat gedurende November 2005 by die Pioniersmuseum te
Silverton gehou is. Dit was ons eerste geleentheid in Pretoria en beloof
om vanjaar veel groter te wees.
Al is daar reeds melding gemaak van die personeel van
Volkshulp 2000 kan dit nie anders as om ook vir 'n ieder en 'n elk in
die "hoogtepunt"-kategorie te plaas nie. Lees
meer.
|
|
Opgedateer: 5 Mei 2008
LW.
Hierdie inligting is deel van Volkshulp 2000 se argief van werksaamhede gedurende die tydperk 1 Maart
2005 tot 28 Februarie 2006
