Indiensstelling 06

	LW. Hierdie inligting is deel van Volkshulp 2000 se argief van werksaamhede gedurende die tydperk 1 Maart 2005 tot 28 Februarie 2006

	Nuutste Jaarverslag


	Jaarverslag 2006



	Indiensstellings en Werkskepping 2006


		Indiensstellings en werkskepping Werksgeleenthede Projekte en werkskepping
	Indiensstellings en werkskepping Die hoofdoel van Volkshulp 2000 is nie, soos vele persone meen, om kos en klere uit te deel nie. Laasgenoemde vorm wel 'n baie belangrike gedeelte van ons taak, dog in teenstelling daarmee, is ons mikpunte eerder die indiensstelling van werklose volksgenote en werkskepping sover ons bes moontlik kan. Daar is gedurende die jaar R558 308.66 net aan indiensstellings en werkskepping bestee, sowat 31.09% van die totale uitgawe. Hoe graag sou ons tog nie veel meer aan werkskepping ten bate van ons werklose volksgenote wat onder andere steeds gebuk moet gaan onder onbillike wetgewing, soos die diskriminerende "affirmative action" nie. Ook in hierdie geval geld onregverdige diskriminasie (wat deur die Grondwet verbied word) teen bepaalde groepe. Werksgeleenthede Wat indiensstellings betref, word daar op daaglikse basis met groot erns gepoog om werkgewers en potensiële werknemers by mekaar uit te bring. Dit gaan gepaard met heelwat telefoonoproepe, maar danksy Radio Pretoria se tegemoetkoming, benut ons ook die weeklikse geleentheid op Donderdae om werksgeleenthede oor die lug uit te saai. Die verstommende bly steeds dat daar heelwat werksgeleenthede beskikbaar is, maar wat nie altyd opgeëis word nie. By ons is die gevoel dat enige werk beter is as niks nie. Blykbaar is ons nie heeltemal in die kol nie, omdat daar weekliks werksgeleenthede steeds beskikbaar bly. Projekte en werkskeppingspogings Dis nodig dat klarigheid gegee word oor wat presies alles by die doelwit werkskepping ingesluit word. Dit behels o.a. in projekte wat geloods word waarby mense geld/vergoeding kan verdien ten einde daardie projek (werk) te kan voltooi. Normaalweg sou so iemand om 'n kospakkie aansoek doen, maar stel ons so iemand nogtans in diens om self ook te kan verdien. Veral by die aangaande klereprojek waar klerasie en items ontvang en geboekstaaf word, klere gesorteer, gemerk, verpak, gerekenariseer en geberg word, word persone teen vergoeding benut en daardie uitgawe word ook by werkskepping toegedeel. Vele ander voorbeelde kan vermeld word, maar die ruimte daarvoor ontbreek. Enige navrae in hierdie verband sal met graagte beantwoord word.

	ADSA se Poste-afdeling