Inleiding 05

	LW. Hierdie inligting is deel van Volkshulp 2000 se argief van werksaamhede gedurende die tydperk 1 Maart 2004 tot 28 Februarie 2005

	Nuutste Jaarverslag



	Inleiding 2005


		Samewerking Stigters en Baanbrekers Werk asof en soos vir die Here Samewerking Sedert Volkshulp 2000 se ontstaan so vroeg as 1991, opper ons jaar-na-jaar feitlik dieselfde woorde, naamlik: "Die afgelope jaar was vir Volkshulp 2000 ‘n wonderlike en geseënde diensjaar". Hierdie verslagperiode was weereens geen uitsondering nie. ‘n Jaar waarin elkeen betrokke by Volkshulp 2000, donateurs, Volkshelpers, personeel, almal saam, het soos ‘n ge-oliede masjien meegewerk om ‘n wesenlike verskil teweeg te bring; te help in die bekamping van die stoomrollende nood onder ons mense. Daardie gevreesde snel groter wordende verarmingsneeubal. Stigters en Baanbrekers By nadenke wonder mens onwillekeurig of die aanvanklike stigters van Volkshulp 2000 hulle ooit kon indink welke fenomenale vordering hierdie organisasie later van jare sou maak. Verseker het die suksesse wat behaal is, daardie baanbrekers wat die versiendheid openbaar het om so ‘n organisasie tot stand te bring, se stoutste verwagtinge oortref. Die eer vir die inisiatief en daadkrag aan die dag gelê, kom onder andere leiers toe soos ds. Wynand van Wyk, jarelange Voorsitter van Volkshulp 2000 totdat hy weens ander verpligtinge moes uittree, en nog ‘n geestelike leier wat ook vele jare lank as Ondervoorsitter van die Hoofbestuur gedien het, naamlik ds. André v.d. Berg. Ds. v.d. Berg is tans nog aktief doenig by Volkshulp 2000 al is hy nie meer op die Hoofbestuur nie. Kan mens ooit genoegsaam dank betuig jeens hierdie baanbrekers? Werk asof en soos vir die Here Volkshulp 2000 is ‘n instelling wat lankal reeds sy spreekwoordelike merk binne volksverband gemaak het en is ‘n instelling waarmee deeglik rekening gehou moet word. Ons handhaaf ‘n lae profiel en hang nie alles aan die groot klok nie. Al die harde werk word nie gedoen sodat die dankbetuigings daarvoor moet instroom nie. Ons is net nie daarop ingestel om sogenaamde "punte" te wil samel nie. By Volkshulp 2000 word daar gewerk asof en soos vir die Here. Daarom is die insameling van lofbetuigings ook glad nie op ons agenda nie. Ander dieperliggende faktore is ter sprake, want ons glo dat lofbetuigings nie bestaansreg waarborg nie.