Dit voel onwerklik om te dink dat nog ‘n jaar alweer verby is. ‘n
Jaar wat vreugde en teleurstellings gehad het, nie net vir ons Boerevolk
nie, maar ook vir Volkshulp 2000. Daar was kere wat ons gewens het dat
daar tog iets van iewers af sal kom. Ja, dit was nie elke dag maanskyn
en rose nie, tog het ons so baie ontvang om voor dankbaar te wees. Ons
Volkshulpvriende het ons gedra sodat ons kon uitreik na die talle
minderbevoorregte vriende daar buite.
Indiepte verslaggewing oor alle aktiwiteite en projekte die
afgelope boekjaar sal koste- en tydsgewys nie moontlik kan wees nie vanweλ die omvang
daarvan. Daarom word in hierdie verslag slegs ‘n oorsig van die belangrikste
aspekte gegee.
Volkshulp 2000 is onbeskaamd 'n volkseie welsynsinstelling wat alreeds in
1991 ontstaan het. Dit is 'n organisasie wat in belang en tot voordeel van ons talle
minderbevoorregte volksgenote optree. Deur volgehoue ondersteuning van ons Boere
Afrikaners stry ons die stryd teen
kosgebrek,
werkloosheid, woningnood en algemene maatskaplike nood.
Die kernbegrip by alle Volkshulp 2000-aktiwiteite is hulpverlening.
Die konsentrasie-areas het twee baie prominente pilare.
Die een is die indiensstelling van werklose
volksgenote, d.w.s. die bymekaarbring van werkgewers en werknemers. Wat van besondere
belang is en 'n faktor wat Volkshulp
2000 onderskei van ALLE ANDER
indiensstellingsorganisasies, is die feit dat hierdie diens GRATIS gelewer
word. Werkgewers word dringend versoek om van hul beskikbare poste direk
aan
Volkshulp 2000 te stuur.
Asseblief werklike poste en nie skemas waarby inbetalings eers
nodig is voordat persone 'n inkomste kan verdien nie.
Beide werkgewers en werksoekers
kan ook gerus gebruik maak van die
GRATIS Internet advertensie diens
wat by die ADSA webwerf te kry is. Daar is geen kostes of verborge kostes aan verbonde
nie. Aansoeke word gekeur. Die
ADSA webwerf
probeer kliλnte met die nodige respek te hanteer. Goeie eposkommunikasie
is 'n vereiste.
Die ander een is die verlening van maatskaplike
noodhulp. Hierby ingesluit is voedselvoorsiening,
finansiλle ondersteuning waar geregverdig, en maatskaplike werkdienste. Hulpverlening is slegs moontlik indien daar genoegsame
fondse
is. Aangesien donasies van welwillende volksgenote die enigste bron van
inkomste is, is ons dan ook van volksgenote afhanklik.
Dis maar alleen te danke aan daardie baie besondere ligpuntjies wat hulle op
die Volkshulppad voordoen, wat as impetus dien en daartoe meehelp dat personeel steeds
meer en harder werk om die al groterwordende branders van behoeftigheid onder ons mense
die hoof te probeer bied.
Elkeen van die ondergemelde aspekte is sodanige
"ligpunte" wat dit die moeite werd maak om steeds ‘n helpende hand na
diegene wat minder bevoorreg as ekself is, uit te steek. Ons dank ons Ewige Vader vir Sy
groot genade dat ons nog in staat is om te kan dien.
Vir meer inligting oor die Maatskaplike
Noodhulp met voedsel sien asseblief :
Opgedateer: 5 Mei 2008
