SMS VOLK 06

	LW. Hierdie inligting is deel van Volkshulp 2000 se argief van werksaamhede gedurende die tydperk 1 Maart 2005 tot 28 Februarie 2006

	Nuutste Jaarverslag

Jaarverslag 2006

SMS VOLK— Fondsinsamelingsveldtog vir Volkshulp 2000

Versending van 'n telefoonboodskappie
Vir so min as R10
Asseblief kom neem deel

Versending van 'n telefoonboodskappie

Een van die meer nuwerwetse metodes vir fondsinsameling is onlangs deur ons in werking gestel. Dit geskied deur middel van die versending van 'n telefoonboodskappie (sogenaamde SMS) met behulp van 'n sakfoon. Meer spesifiek, die insleuteling van 'n kodewoord (vierletterwoord) genaamd VOLK, ná die nommer 38585.

Vir so min as R10

Hierdie metode bied vir elkeen wat oor 'n sakfoon beskik en wat bereid is om die klein bedraggie van so min as R10 by te dra tot die verligting van ons talle minderbevoorregte volksgenote se toenemende armoede en maatskaplike nood, 'n geleentheid om gerieflik, op maklike wyse sonder enige inspanning 'n bydrae tot hierdie omvangryke welsynstaak te maak. Dis 'n geleentheid om ook ons Bybelse opdrag om na die weduwees en wese om te sien, uit te voer. Daarbenewens kan elkeen selfs verder help deur net hierdie boodskap/versoek ook aan vriende, familie, bure, oor te dra. Ons wil glo dat hierdie inisiatief deur 'n Hoofkantoor-personeellid sommer besondere goeie gevolge in terme van fondsgenerering sal hê. Verder vertrou ons dat alle Volkshulpvriende daadkragtig sal meewerk en aan hierdie poging 'n goeie hupstoot sal gee.

Asseblief kom neem deel

Wat veral verblydend is van die resultate van hierdie besondere insamelingsmetode, is dat daar persone is wat inskakel en sê dat R10 as bydrae te min is en dan aanbied om bv. dadelik R10 000 in ons bankrekening in te betaal. Ander weer, sal aanbied om eerder 'n maandelikse debietorder van bv. R100 per maand te teken. Kortom dus: Die fondsinsamelingspoging blyk 'n sukses te kan wees. Soveel te meer indien die bemarking daarvan verder gestimuleer kan word. Bygesê: Met die hulp en ywerige ondersteuning van goedgesinde medevolksgenote.

Volkshulp 2000 begin vanjaar sommer vroeg al met sy jaarlikse Kersfondsinsamelingsaksies.

Ons pak hierdie insamelingspoging op ‘n heel nuwerwetse wyse aan, en wel deur middel van die versending van ‘n telefoonboodskappie met behulp van ‘n sakfoon. Meer spesifiek: die insleuteling van ‘n kodewoord (vierletterwoord) genaamd

VOLK

na ‘n baie maklike nommer, tewete,

38585

Hier is vir ELKEEN wat oor ‘n sakfoon beskik en wat bereid is om die ou klein bedraggie van so min as R10,00 by te dra tot die verligting van ons talle minderbevoorregte volksgenote se toenemende armoede en maatskaplike nood. Hier is nou die geleentheid om ook ons Bybelse opdrag om na die weduwees en wese om te sien, uit te voer.

Ons vra vandag baie MOOI: Neem gerus deel aan hierdie spesiale poging. En as u kans sou sien om selfs net EENKEER ELKE maand die bedraggie van R10,00 aan die verligting van minderbevoorregte volksgenote se nood te bestee, skakel {m.a.w., "SMS"} dan gerus net die kodewoord

VOLK

na die nommer

38585

en dra sodoende op baie maklike wyse by tot hierdie Volkshulpsaak.

Ons het u ondersteuning DRINGEND NODIG

By voorbaat BAIE DANKIE.

U kan selfs verder help deur net hierdie boodskap/versoek ook aan u vriende, familie, bure, oor te dra. Ja, selfs deur die volgende boodskap aan sulke kennisse te "SMS".

Skenk R10 of meer aan VOLKSHULP 2000 om ‘n kindjie se magie vol te maak. "SMS" bloot die 4 letters VOLK en versend na die no 38585.

U kry selfs per "SMS" dan nog ‘n "dankie" ook terug. Vir nog ‘n "dankie", druk "send" vir elke R10 wat u wil stuur. Dalk kan dit nog ‘n kombersie ook voorsien!