Snuffelwinkels 06

	LW. Hierdie inligting is deel van Volkshulp 2000 se argief van werksaamhede gedurende die tydperk 1 Maart 2005 tot 28 Februarie 2006

	Nuutste Jaarverslag


	Jaarverslag 2006



	Snuffelwinkels 2006


		Aanvanklike doel van Snuffelwinkels Uitbreidings Daaglikse impak Inkomstebelasting en BTW Beste benutting van skenkings Registrasie van ‘n Art 21-maatskappy Inkomste toename Inkomste verkry uit die Snuffelwinkels Uitgawes Gerekenariseerde voorraadbeheerstelsel
	Aanvanklike doel van Snuffelwinkels Daar is aanvanklik begin met 'n Snuffelwinkel om: (a), as 'n werkskeppingsprojek vir mense wat nêrens elders werk kon bekom nie, in diens te stel, sodat hulle deur eie verdienste voedsel op hul gesinne se tafels kon plaas. (b) om as fondsgenererende projek, fondse te in, sodat ander maatskaplike projekte befonds kon word. Die voorraad van hierdie Snuffelwinkels is slegs die "oorloop"-items en -klerasie wat nie dadelik aan minderbevoorregte volksgenote oorhandig kan word nie. Ons hoogste prioriteite bly steeds, maatskaplike gedienstigheid en word daar allereers na diegene se behoeftes (gratis) omgesien. Uitbreidings Die Snuffelwinkels het uitgebrei na vier, soveel so dat inkomste hieruit voortgebring, inderdaad Volkshulp 2000 se belangrikste inkomstebron geword het. Ons sogenaamde "lewenslyn", want daarsonder sou ons nie naastenby kon voortbestaan nie. Soos dit tans die geval is, slaag ons nie eers daarin om al die noodsaaklikste behoeftes aan te spreek nie. Dit wat ons in terme van klerasie en items ontvang, stel ons in staat om voort te gaan met hierdie belangrike welsynsdiens aan die gemeenskap. Daaglikse impak Die belangrike rol wat die vier Snuffelwinkels in die daaglikse administrasie speel, blyk duidelik. 'n Inkomste van R1 049 380 kan nie versmaai word nie. En nogtans kan al die behoeftes nie bevredig word nie! Inkomstebelasting en BTW Nou is dit ook so dat die SAID daarop gesteld is dat Volkshulp 2000 inkomstebelasting en ook BTW op gegenereerd inkomste moet betaal. Hierdie aangeleentheid is nog aangaande. Twee faktore is uitstaande: Beste benutting van skenkings Vanweë die feit dat ons kontantdonasies komende van die publiek nie naastenby voldoende is nie, moet ons eenvoudig poog om daardie "oorloop"-items te probeer omsit na kontant, waarmee projekte bedryf kan word. Dis immers nie moontlik om 'n sak klere of 'n tafel as voedsel aan iemand te gee nie. Registrasie van ‘n Art 21-maatskappy Konsultante is intussen betrek om te help met die registrasie van 'n Art 21-maatskappy, sodat die liefdadigheidsbeen (Volkshulp 2000) losgemaak kan word van die handelsgedeelte waar goedere verhandel word. Die SAID dring hierop aan, sodat daar eintlik geen keuse vir ons oorbly nie. Sou dit egter realiseer, beteken dit dat Volkshulp 2000 (liefdadigheidsbeen) kan voortgaan met sy aansoek om belastingvrystelling ingevolge Art 18a van die Inkomstewet. Wat verder beteken dat 'n donateur van Volkshulp 2000 ook 'n persentasie afslag van sy/haar belastingpligtige bedrag kwytgeskeld kan word. Inkomste toename Die inkomste toename soos verderaan aangedui, toon die publiek se meewerking om soveel items aan ons te skenk. Dit reflekteer die publiek se houding, ingesteldheid en besorgdheid. Inkomste verkry uit die Snuffelwinkels Die inkomste verkry uit die Snuffelwinkels gedurende die vorige jaar (2004/2005) het R809 357 beloop. Die afgelope jaar (2005/2006) het 'n inkomste van R1 049 380 gerealiseer, 'n toename van R240 023 (29.65%). Verskeie bydraende faktore het 'n rol gespeel. Eerstens, die daadkragtige medewerking van ons donateure as mede-eienaars van Volkshulp 2000. Hulle het pragtig saamgewerk en mildelik items geskenk. Was dit nie vir hulle nie, sou daar nie items in die winkels kon wees nie en sou Volkshulp 2000 geensins by sy doelwitte kon uitkom nie. Die tweede belangrike faktor is dat ons op 'n stadium itempryse effe opwaarts moes aanpas, sodat daar nie kontantvloeiprobleme ontstaan nie. Uitgawes Benewens die direkte uitgawes wat maandeliks t.o.v. die winkels aangegaan word, moet ook daardie uitgawes wat op indirekte wyse aan die winkeluitgawe toegevoeg moet word, in berekening gebring word. Voorbeelde hiervan is die uitgawe aan personeelsalarisse vir die aanvanklike ontvangs, afhaal, sortering, merk, kodifisering, ens. Gerekenariseerde voorraadbeheerstelsel In die proses om 'n hoë graad van professionaliteit te handhaaf en terselfdertyd maksimale beheer oor elke geskenkte item uit te oefen, het ons enkele jare gelede oorgeskakel na 'n gerekenariseerde voorraadbeheerstelsel. Ongelukkig het hierdie stelsel 'n baie lang "tandekrystadium" beleef. Met groot dankbaarheid kan ons darem nou sê dat ons wel makliker voorraadopnames in die verskillende winkels kan onderneem. Ons glo dat die Storemaster-stelsel die voorraadbeheertaak vorentoe selfs verder sal vergemaklik.