Volkshulptuiste 05

	LW. Hierdie inligting is deel van Volkshulp 2000 se argief van werksaamhede gedurende die tydperk 1 Maart 2004 tot 28 Februarie 2005

	Nuutste Jaarverslag


	Volkshulptuiste 2005


		Volkshulptuiste Die stelling is reeds hierbo gemaak dat maatskaplike behoeftes sodanig eskaleer dat dit nooit bevredig sal kan word nie. By Volkshulp 2000 is dit nou maar eenmaal so dat daar deurgaans ‘n keuse tussen prioriteite gemaak moet word.
	Klik duimnael vir groter weergawe
	Die verskaffing van voedselpakkies op ‘n deurlopende grondslag, is sekerlik die belangrikste om aan die lewe te kan bly, maar ooreenkomstig ons doel, behoort veel meer gedoen te word aan die skepping van werksgeleenthede, vestiging van nywerhede, ens, sodat die broodwinner self kan werk en kos op die tafel kan plaas. Ons Volkshulptuiste omvang juis aldrie hierdie gemelde prioriteitsterreine, naamlik, voorsiening van huisvesting, werksgeleenthede en ook voedsel aan gesinne. Wat hierdie spesifieke projek betref, is dit egter eerstens die huisvestingsgedeelte waar die grootste leemte ervaar word. Tans bestaan die huisvesting uit enkele houthuisies (Wendy-huise), woonwaens en een groot oop vertrek waarin 20 mans akkommodeer kan word. (Foto's) Laasgenoemde is egter hoegenaamd nie die gewenste situasie nie. Omdat die klem ook in hierdie opsig val op opheffing en daarstelling van menswaardige omstandighede, is die voorsiening van ordentlike en genoegsame huisvesting dan ook van kardinale belang. Die fokus sal gedurende 2005 geplaas word op die beskikbaarstelling van vaste en permanente geboustrukture waarin ook gesinne gehuisves sal kan word. Die daarstelling van huisvesting sal uiteraard sommer groot kapitaalbedrae verg. Hierdie sal ‘n voortdurende projek wees wat ook nie oornag gefinaliseer kan word nie. Die Volkshulptuiste is in meer as een opsig ons "plaas" waar selfs die hoenders, eende en ganse aan mens daardie besondere "ontvlugtingsgevoel" gee. ‘n Ervaring wat slegs oop ruimtes, wuiwende gras, vars grondreuk, dieregeluide en wind deur die hare, jou kan bied. Die gedagte om verdere werks- en besigheidsgeleenthede by die Volkshulptuiste te skep, het reeds gerealiseer. Daar is ‘n bedryf gevestig in terme waarvan allerlei herstelwerk aan geskenkte items soos yskaste, vrieskaste, allerlei elektriese items, en wat dies meer sy, gedoen word. Sodra herstel, word sodanige items teruggekanaliseer na die verskillende Snuffelwinkels. Oorweging word geskenk aan die moontlikheid om een van die knap inwoners nie net in beheer van die werkswinkel te stel nie, maar hom ook ‘n aandeel in die besigheid te gee. Inprestering is uiteraard van groot belang.